Ferðamálaskóli Íslands hóf síðastliðið haust nýtt nám í “fararstjórn erlendis” sem er hugsað fyrir þá  sem hug hafa á að gerast fararstjórar á erlendri grund, fyrir minni eða stærri hópa og kynnast nánar hefðum, siðum og menningu viðkomandi lands. Með síauknum möguleikum Íslendinga til að ferðast erlendis í skipulögðum ferðum, er þörf fyrir áhugasama og hæfa fararstjóra aldrei meiri en einmitt nú.

Námið er byggt upp á þeim grundvallaratriðum sem fararstjóri þarf að vita og hafa í huga til að taka að sér að leiðsegja hóp ferðalanga á viðkomandi stað.

Skemmtilegt og áhugavert nám fyrir alla þá sem hug hafa á að gerast fararstjórar og jafnvel búa til sínar eigin áhugaverðu ferðir á framandi slóðir.

Í lok náms var síðan farið í 5 daga útskriftarferð til Barcelona, þar sem nemendur fengu úthlutað verkefnum í að leiða hópinn um hina fögru og vinsælu borg.

  • Mannleg samskipti
  • Leiðsögutækni og ræðumennska
  • Helstu áfangastaðir erlendis í máli og myndum
  • Spánn
  • Kanaríeyjar
  • Tyrkland
  • Kúba
  • Rússland
  • Kína
  • Grikkland
  • Miðausturlönd
  • Ítalía
  • Mismunandi trúarbrögð í heiminum
  • Saga viðkomandi lands, menning og listir
  • Frumbyggjar og saga staðarins
  • Þjóðlegir siðir og hefðir
  • Skyndihjálp
  • Áfallahjálp

Ferðalandafræði heimsálfurnar: Evrópa, Asía, Africa, Bandaríkin og Eyjaálfan

Kjartan Trausti Sigurðsson, fararstjóri

Pétur Björnsson, konsúll Ítalíu á Íslandi

Jóhanna Kristjónsdóttir, blaðamaður og fararstjóri

Höskuldur Frímannsson, viðskiptafræðingur

Sigurður A. Magnússon, rithöfundur

Magnús Björnsson, fararstjóri í Kína

Pétur Óli Pétursson, fararstjóri í Rússlandi

Bjarni Randver Sigurvinsson, stundakennari við Guðfræðideild H.Í.

Sr. Bjarni Karlsson, sóknarprestur

Kennsla fer fram tvö kvöld í viku og hefst í Oktober og lýkur í Apríl. Námið fer fram í formi fyrirlestra og reynslu fararstjóra í leiðssögn á erlendri grund.